Siapa tida pernah pigi Tamu ? Nah rata-rata kita nih mimang pigi tamu bah kan. Zaman kicil kicil dulu la yang paling selalu, abis paling siuk kalau mo jalan-jalan di sana tamu. Dulu-dulu (yang zaman 50an 60an) sana tamu la ba tempat bedating. Abis paling hot sudah tu tamu gia, manakan gia mo cari 1Borneo dulu kan?
Siurang ni pun kalau mau mencari barang yang teda d Giant barula sibuk sibuk pigi tanya tanya upismate bila tamu? pastu kana tanya lagi sia : Tamu mana? d dongongon ada, kelumbung ada, tanjung aru ada..Nah tegaru kepala siurang. Lepas tanya lupa, pastu tanya lagi kalau baru teingat balik mau pigi mencari barang di tamu. Adeh mimang kapanas la ba si kawan balik balik kana tanya kan. Jadi siurang pikir pikir bagus juga la kalau siurang kasi list tu tamu tamu di sini Sabah ni. Mana tau kamurang pun teingat ada mau beli tu segirit jenama ‘kirai’, rujuk seja la ini list kan – indapayah la si kawan memanas lagi kana tanya tanya ..
Kota Kinabalu
Gaya Street – Hari Minggu
Kampung Air – Hari Minggu
Tanjung Aru – Hari 6
Map G. Street Map Kg. Air Map Tjg. Aru
Penampang
Donggongon – Hari 4 sama Hari 5
Map Donggongon
Kolombong
Giant Kelombong – Hari 6 pagi
Map Giant Kolombong
Inanam
Pekan Inanam – Hari 6 sama Hari Minggu
Map Tamu Inanam
Menggatal
Pekan menggatal – Setiap hari yang ke sepuluh (Hari ke sembilan petang pun ada yang preview punya) – Thank you pembaca Nonom Nopiro
Map Pigi Menggatal
Papar
Lok Kawi Sabindo – Hari 6
Mari Pigi Lok Kawi!

Sekadar Gambar Hiasan
Sandakan
Sandakan Town – Hari Minggu
Gomantong Jaya – Hari Minggu
Sandakang! Gomantong Jaya
Tawau
Bandar Tawau – Hari Minggu
Tawau bah yan
Ranau
Pekan Kundasang – Hari 5
Pekan Ranau (Tamu Malam) – Setiap hujung bulan start pkl 4pm cmtu
Pekan Ranau ( Tamu Bulan) – Setiap 1hb
Pekan Ranau ( Tamu Minggu ) – Hari 6
Map Kundasang Map Ranau
Kudat
Matunggong Lama – Hari 6
Matunggong Baru – Hari 4
Sikuati – Hari Minggu
Pekan Kudat – Hari 2 sama hari 3
Matunggong Lama Matunggong Baru Sikuati Pekan Kudat
Kota Marudu
Pekan Kota Marudu – Hari 6 sama Hari Minggu
Goshen – Hari Minggu
Kota Marudu Goshen
Tuaran
Pekan Tuaran – Hari 6 sama Hari Minggu
Kiulu – Hari 2
Pekan Nabalu @ Simpangan – Hari
Tuaran Kiulu Map Nabalu
Tambunan
Pekan Tambunan – Hari 4
Map Tambunan
Keningau
Pekan Keningau – Hari Minggu
Bingkor -Hari 6
Map Keningau Bingkor!
Kota Belud
Pekan Kota Belud – Hari Minggu
Map Kota Belud
Sipitang
Sindumin – Hari 6
Map Sindumin
Telupid
Pekan Telupid – Hari 6 sama Hari Minggu
Map Telupid
Kalau ada maklumat yang ndak tepat, kasi tau seja siurang ah. Jan ko malu-malu sana
Daniel Chiam
28/12/2014 at 10:46 AM
Keningau ada setiap hari Khamis juga. Itu jugalah hari yang paling jammed sekali!
si kici
02/01/2015 at 10:01 PM
anu… tamu di membakut.. ari 5,6 sama minggu pun ada. 🙂
Soneddy
22/01/2015 at 1:56 AM
mau balik membakut la sy ni ^ Y
lilend
28/01/2015 at 1:56 PM
boss..ko lupa tamu Apin-Apin..setiap ari 6..banyak jual ayam sabung..hiihihi..
Naga Yang Lapar
28/01/2015 at 1:58 PM
OK. Thank you ah! Nanti di kasi add
A.Edward
28/02/2015 at 12:02 PM
Sedih ati sia tinguk keadaan tamu walau dimana sekalipun d negiri kita ni,majoriti penjaja yg ada tu maggi me citizen tampat strategik diurang kuasai urang kita yg jual mundok,bintako dan sagala masam kinotuan terpinggir pionglisok lisok d sudut yg yg sukar kelihatan akhirnya c aman ma inan terpaksa kasi wholesale dia urang punya jualan ma tu maggi mee citizen walau pun sedar mereka kerugian daripada carrying those heavy wakid down those steep path on their way back to their vally..Gov should put up collection centre or booth to ease those poor farmers lives rather that letting those maggi mee citizens taking advantages out of our own people predicement.Sia arap sumaa urang tau urang yg sia bilang “maggi mee citizens ”.
Nonom Nopiro
19/04/2015 at 10:17 PM
itu bah.. klu tamu d Menggatal indada specific day tu.. sbb setiap 10 hari itu tamu berlangsung.. tp biasanya ptg sebelum tamu ramai sdh peniaga bertapak d tapak tamu.. itu siurang panggil tamu 9.. sbb hari ke-10 br tamu yg btul2.. utk info semua ja ni.. hehehe
Naga Yang Lapar
19/04/2015 at 10:20 PM
Oooo.. thank you! Nanti siurang kasi update.
junzdeone
25/09/2015 at 10:21 PM
Tamu daerah NABAWAN pada hari 3 dan 6 ..jom p sini..jln2
yanz
09/10/2015 at 11:57 AM
bos tamu nabawan sama sapulut hari apa ah??
Tsunami
19/11/2015 at 9:51 AM
sia mau cari tu tomuning, kara, tupai… Ada ka yg jual? Tamu mana ada jual ni? Sia mau….
Claudius
23/12/2015 at 9:35 AM
Saya mau tu senarai tamu tamu di Sabah,ba. kira-kira mau pigi promosi produk makanan ternakan hasil dari pokok rumbai boleh juga penternak penternak kurang kos beli Baja utk kasi makan binatang perilaharaan
Claudius
23/12/2015 at 9:38 AM
Ni pengalaman supply di kandang kambing,lembu dab babi di Penampang,gemuk gemuk ba ternakan dia cepat jual lagi tu,dulu tiap-tiap bulan aku hantar,tp skrg 2 bulan sekali suda,sebab banyak suda laku tu ternakan
Jamil
23/01/2016 at 9:27 AM
Siapa ada buah2an di kasi pajak bagi saya… saya pajak untuk jual balik. Pajak pakai pokok ka pakai kilo ka, Kol saja.012-843 3029 ( Jamil )… buli ba kalo ko…
Elly
20/05/2016 at 5:31 AM
Siapa ada tanm labu kuning
Saya mahu pajak brapa bnyak pun aku ambil
emma
20/05/2016 at 1:49 PM
labu kuning = pumpkin ka? 🙂
sarima turajan
23/05/2016 at 4:28 PM
Elly minta hp no ko.and whatapp sa 0146543722 sarina.
Castilo
23/05/2016 at 11:47 AM
sya mau jln2 tengok ketamu Nabawan mau cari daging pelanduk sama daging payau baa… tapi sya tidak pasti hari apa kah tamu disana diadakan tolong lah kamu org kasi tau sya…. buli baa klu ko….
naralakguy
10/05/2017 at 8:26 AM
Tamu tamparuli mana bosku…
KK
10/05/2017 at 5:52 PM
Naaa. OK akan di cari info. Mana tau ko ada, kasi tau seja ya?
Balqis
10/10/2017 at 2:46 PM
Tamu telipok pekan hari APA ITU kna ??..
goboi
22/01/2019 at 11:13 AM
tamu di kiulu & taginambur masih ada ka? bila tu ar??