English VS Sabah Stail
Biasanya kalau urang putih cakap bahasa diurang kita buli la juga paham kan? Tapi kadang-kadang kalau pakai stail dorang macam ndak sampai bah apa yang mau di cakap. Sebab kalau di Sabah ni, mau kasi keras, panjang atau lembut tu cakap baru kadang-kadang buli tangkap atau pun ndak tau apa yang kita mau cakap sebenarmmya. Ha! Ha! Bah ini dia
English VS Sabah Stail
| English | Sabah Stail |
|---|---|
| "Excuse me please" | Sasar Sikit |
| "I beg your pardon?" | Ah? Apa kau bilang tadi? |
| "Sure, I will attend your wedding reception! " | Bah |
| "Son. For the last time I said stop it !" | Anak! Sia kira sampai 3 ah! Satu.. |
| "I am so sorry" | Sori la bah |
| "For heaven's sake! What on earth are you doing?" | Ko gila kah??! |
| "I'm afraid I have to say no this time around" | Bah |
| "Thank you for the compliments" | Ish. Tedaaaaaa lah! |
| "Hey stop it that hurts!" | Babi bah kau ni |
| "Alright then see you at 8 pm tomorrow" | Bah |
| "It sure is hot in KK today" | Panas gila bah ni hari |
| "Nice new smartphone you have!" | Ui hempon baru! Kaya nyaaa! |
| "Hello my name is Zoe and I would like to speak to Ben please" | Helo? Siapa cakap ni? Ada si Ben ka? |
| "Damn it!" | Kitai! |
| "Sorry I am not interested in your business offer" | Bah |
Ada lagi siurang termiss? 😀
Kay Kastum
Founder of OrangSabah.Com. Sudah jadi bapa baru. Dia juga adalah Agent Life Insurance Prudential BSN Takaful yang awesome itu!! Mau kasi wasiat keluarga RM 500,000? Klik untuk Free Quotation ni hari.
6 Comments
Kahkahkahkah yg balik2 bah tu lucu
Mimang banyak kegunaan Bah ni ha ha
Love Sabah from Perak…..
Paling manang!
wkwkwkwkwk hahahahha.. sakit perut sia baca tu ninggilis vs sabah stail..kipidap Bro..
Yang penting kau gembira drive pulang!